ሜሮን ጌትነት – ሀገሬ
ልክ ነበርክ አንተ
እዚህ ለፍተህ ስትኖር ባገርህ አፈር
ላይ
‘አባን ከና’ የሚል ያንተን ልፋት
የሚያይ
አንዳችም ሰው የለም ህዝቡ ውጭ
አምልኳል
ልቡ ተንበርክኳል
ላገር ስታነባ በጥቅም ይለካል
በነጻ ያላበህ በዶራል ይተካል
አሁን በቀደም ለት
ለቤታችን ምርጊት ያቦካናት ጭቃ
ብሎኬት ለማቆም ቦታው ተፈልጎ
ተጣለች ተዝቃ
ተመስገን ማለት ነው ቀርቶ
መማረሩ
ስንዝር መቀበሪያም ካልጠፋ ባገሩ
ተመስገን ነው ጥሩ
ለኑሮማ ሚሆን መሬት ማን
አሲዞን
ቤታችን ወደ ላይ ቢቀርበን እግዜሩ
ወደላይ ነው ጥሩ
ወደ ላይ ወደ ላይ ወደላይ አሻቅቦ
አ ንደኛው ባንዱላይ ኑሮውን ደርቦ
……ህ…….. ም……….
እግዚያር ቀረበ ጸሎትህ ተሰማ
ባለ – ቤት ልትሆን ነው እዚሁ
ከተማ
እሰይ፥ እሰይ እሰይ የምስራች
ለነዋሪው ሁሉ
ሀገር ለወደደ ከነምናምኑ
ለደሃው የሆነ ደርሶ ለተገፋ
ፎቅ ቤት በያይነቱ መጣ በወረፋ
ሲባል ጆሮህ ሰምቶ
ከጸሎትህ ጋራ እጣ ፈንታህ ገብቶ
የጣ ቁጥር ይዘህ አመታት ቆይቶ
ቆይቶ ቆይቶ ቆይቶ
ቆይቶ….ቆ…ይ… ቶ!
ቅድሚያ ይሰጥሃል ስትከፍል መቶ
እንኳን መቶ ቀርቶ የለህም ሰላሳ
በቃ እድልህን ጠብቅ
የሚያለማ መጥቶ ሰፈሩ እስኪነሳ
……እናልህ ወዳጄ……..
ከዚህ ሁሉ ፍዳ ከዚህ ሁሉ ጣጣ
ምን አለበት አሁን ደርሰህ
ብትመጣ
ምን ያደርግልሃል? ምን
ያደርግልሃል? መሆን ያገር ዜጋ
ሞልቷል ትርፍ መሬት ክፍቱን
የሚያዛጋ
ነጻ ሚሰጥህ ግን በሰው ሃገር
ለፍተህ ላገኘኸው ጸጋ
እንዲሆንህ ዋጋ
……ህ…….. ም……….
ጠብታ ውሃ ነው ድንጋይ የሚበሳ
እንጩህ ዝምብለን ህዝብ
እስከሚነቃ ሀገር እስኪነሳ
ብዬህ ነበር ያኔ አለማወቅ ደጉ
ለካስ ወርቁን ትቶ ለመዳብ ነው
ጉጉ
ሀገር መሀል ሆነህ ሀገር መሀል
ሆነህ
ለሀገር ስትጮህ፥የለም
የሚያዳምጥ
ማዶ ስትሆን ነው የሹክሹክታህ
ጉልበት ሀገር የሚለውጥ
ብትስቅ ብታለቅስ ሰዉ በወረፋ
ሊያይህ የሚጋፋ
ዘፈንህ የሚያምር እስክሳህ
የሚደምቅ
ካገር ስትወጣ ነው ጥበብህ
የሚረቅ
እድሜህን ቀርጥፈህ ብቶን ባለ
ድግሪ
ማስትሬት ዶክትሬት ብትደክም
ብትለፋ
እውነቱን ልንገርህ በሃገሬ ሂሳብ
ከውጪ የመጣ የሶስት ወር ኮርስ
ነው ሚዛኑን ሚደፋ
…..ይሄወልህ ወዳጄ…….
ያገሬ ጎበዛት ህዝብ የምንላቸው
ያለኛ ጨውነት ጥፍጥናም የላቸው
ብለን ያንልላቸው
ባንተ ካገር መኖር ጉዳይም
የላቸው
ምን ታሪክ ቢሰራ ነብይ በሀገሩ
መቼ ይከበራል
ተረት እያወሩ
ጸበል ጓሮ አግኝተው ቁርበት
ነከሩበት
በል እኔን አትስማኝ አንተ
እወቅበት
……አሁን ሌላውን ተው……..
ቀበሌ ሄደሃል ገጥሞህ አንዳች
ጉዳይ
በሀገር ነዋሪ መሆንህ እንዲታይ
ይታወቅልህ ዘንድ የነዋሪ
መግለጫ
ስጡኝ ብትላቸው
ሰው የለውም ቢሮው ባዶ
መቀመጫ
አ ሁን ለሻይ ወጡ ጠጥተው
እስኪመጡ
አንድ ሁለት ሶስት ሰአት አርፈው
ይቀመጡ
ነገ ደግሞ የሉም ስለሚደክማቸው
እረፍት ላይ ናቸው
የሆነ ቀን ታመው ሌላ ቀን
ረስተው
ወጡ ሳይፈርሙ ስብሰባ ላይ ናቸው
ስራ እያስቀደሙ
ስራ እያስቀደሙ፥ ምንድን ነው
ስራቸው?
ዛሬም ከስብሰባ ነገም ካለቃ ጋር
የሚያጣጥዳቸው
ያን ጊዜ ለምርጫ ቅስቀሳ ሲዞሩ
ያንተን መታወቂያ ባግባቡ ሊሰሩ
ነበረ ዲስኩሩ፣እሳቸው ግን የሉም
ባዶ ነው ወንበሩ
…….ህ……. .ም………
ተዋቸው ተዋቸው ልንገርህ
ብሄድ ነው የሚያዋጣ
አለህ የሚልህ ከሌለ ምናል ካገር
ብትወጣ
አንዱ ሀገር ሶስት አመት ኖረህ
ጸጉርህን ለውጠህ ብትመጣ
ቀድሞም ችግር አይኖርህ
የማን አይን አየህ በክፉ
አንዳችም እንዳትጉላላ ሊያውም
ተክነው በዘርፉ
እንደ ሄድክበት ሃገር እረፍትም
የሌላቸው
ያንተን ችግር አዳማጭ ክቡር
ሚንስትር ናቸው
ምን እንሰይምልህ በየ አደባባዩ
የሚመጡት ልጆች ያንተን ግብር
እንዲያዩ
የሚባል ዘመቻ ያለው ላንተ ብቻ
……….ህ…. …ም………..
ሽማግሌ ልከህ የከለከሉህን
ቆንጆዋን ኮረዳ
በፈለከው ሰአት ስበህ
የምትወስደው ከትዬው ጓዳ
በህጻን ባዋቂው እንዲያ ምትወደድ
ብትርቅ አይደልም ወይ ካገር ብት
ሰ ደድ!
…….ህ……. ..ም………..
ታዘብኩት እኔኑ
ታዘብኩት እኔኑ አፈርኩኝ በራሴ
ያን የመሰለ ሃሳብ እንዲያ ማራከሴ
እንኳን በምድራዊው ባለማዊው
መድረክ
ለነብስህ ልታድር ልትታረቅ ካምላክ
የላብህን ቋጥረህ ለግዚያር ስጦታ
አስራት ልታወጣ መቀነት ብትፈታ
ካንተ አንድ መቶብር
ያምስት ዶላር ጥሪ ይደምቃል
እልልታ
…….ህ……. ..ም………..
ምን ያደርግልሃል?
ምንያደርግልሃል?
ምስጋናቢስ ቄዬ ውለታ ቢስ ሀገር
ለሄደ እየኖረ ያለን ለሚያባርር
ምን ያደርግልሃል? ምን
ያደርግልሃል?
ምስጋናቢስ ቄዬ ውለታ ቢስ ሀገር
ለሄደ እየኖረ ያለን ለሚያባርር
……አይ….እኔ. …..
ጥበበኛ ሲጎል ከያኒ ሲታጣ
ሀገር ነው የሚጎል ቄዬ ነው
ሚቀጣ
ባንዲራ ነው ሚፈዝ መዝሙር
ቅጥ የሚያጣ
ብዬህ ነበር ያኔ ካገር እንዳትወጣ
አገር፣አድባር የለም ጥበበኛም
ጎሏል
ዋርካ ጥላ አይሆንም ሞገስ
ክብሩን ጥሏል
የምን ደግሞ ዋርካ
ደግሞ የምን ዋርካ? በደና
መጥረቢያ ወገቡ ላይ ሰብሮ
መሬቱን ለልማት ግንዱን ለቤት
ማግሮ
ለለውጥ መገስገስ ከተማ
አሰማምሮ
ምን ያደርጋል እውቀት አስተሳሰብ
ዜሮ!
በድንጋይ ላይ ድንጋይ በህንጻ ላይ
ህንጻ
ፋሽኑ ዘንድሮ
ዋሽንግተን ክትፎ ስኩል ኦፍ
ፕላኔት
ጀነሬሽን ቢውቲ ፍሪደም ዳቦ ቤት
የጎንደር እስክታ በክለብ አትላንታ
…..ህ……ም.. …
ይሄ ነው ትውልድህ አንዳችም
ማያተርፍ
ያንተን ባገር መኖር ከቁጥር
የማይጥፍ
ስለዚህ…. ስለዚህ……. አጠፍኩት
አትሂድ ያልኩትን ሽሬዋለሁ ዛሬ
ይልቅ ስቴድ ጥራኝ ልሻገር አብሬ
መቼም ያሳ ዝላይ መልሶ ከውሃው
ነው
እመጣለሁ ዞሬ፤ስሜን ቀያይሬ
መቼም ያሳ ዝላይ መልሶ ከውሃው
ነው
እመጣለሁ ዞሬ፤ስሜን ቀያይሬ
ያኔ ይቀበለኛል ፍቅር ያጠግበኛል
ህዝቤ… ሀገሬ…. ክብሬ
መቼም ያሳ ዝላይ መልሶ ከውሃው
ነው
እመጣለሁ ዞሬ፤ስሜን ቀያይሬ
ያኔ ይቀበለኛል ፍቅር ያጠግበኛል
ህዝቤ… ሀገሬ….. ክ.ብ.ሬ

የኢትዮጵያ አየር ኃይል ንብረት
የሆነ ተዋጊ ሔሊኮፕተር ባለፈው
ዓርብ ተጠልፎ ኤርትራ ግዛት አሰብ
ማረፉ ተረጋገጠ፡፡ የዘወትር የበረራ
ልምምድ ላይ የነበረውን
የኢትዮጵያ አየር ኃይል ሩሲያ ሠራሽ
ኤምአይ 35 ተዋጊ ሔሊኮፕተር
ይዞ ወደ ኤርትራ የኮበለለው ዋና
አብራሪ ሻምበል ሳሙኤል ግደይ፣
ይህንን ዓይነት ተግባር ይፈጽማል
ብለው እንደማያስቡ ባልደረቦቹ
ገልጸዋል፡፡
ከሻምበል ሳሙኤል ጋር በኢትዮጵያ
አየር ኃይል አብረው የሠለጠኑና
የሠሩ የሥራ ባልደረቦቹ ለሪፖርተር
እንደገለጹት፣ ግለሰቡ መልካም
ባህሪ ያለውና በፖለቲካ አቋሙ
ገለልተኛ የሚባል ነው፡፡ ‹‹እጅግ
በጣም ጥሩ ሰው ነው፡፡ የመንግሥት
ተቃዋሚ አልነበረም፡፡ ራሱን
ከፖለቲካ ጉዳዮች የሚያገል፣
ሥራውን ብቻ የሚሠራና ልጆቹን
በኃላፊነት የሚያሳድግ ሰው ነበር፤››
ብለው በድርጊቱ ግራ መጋባታቸውን
ገልጸዋል፡፡
አክለውም በትንሽ ነገር የሚከፋና
የሚደሰት፣ በቅጽበት የሚለዋወጥ
ባህሪ እንዳለው ተናግረዋል፡፡ በግል
ሕይወቱም የሚበሳጭበት ጉዳይ
እንደነበርና አልፎ አልፎም በዚሁ
ጉዳይ ይደበት እንደነበር
አልሸሸጉም፡፡ ሻምበል ሳሙኤል
ለሥልጠና ወደ ኢትዮጵያ አየር ኃይል
የገባው በ1994 ዓ.ም. ሲሆን፣
የቅጥር ውል የፈረመው በታህሳስ
ወር 1995 ዓ.ም. ነበር፡፡
የኢትዮጵያ አየር ኃይልን ለ12
ዓመታት አገልግሏል፡፡ በ2003
ዓ.ም. የአገር መከላከያ ሚኒስቴር
ወደ ዳርፉር ሱዳን ያሰማራው
የሰላም አስከባሪ ኃይል አባል
በመሆን ለአንድ ዓመት ያህል
እንዳገለገለና በዚያም ተልዕኮ ዳጐስ
ያለ ዶላር ይዞ መመለሱን
ባልደረቦቹ ተናግረዋል፡፡
ሻምበል ሳሙኤል ተወልዶ ያደገው
በትግራይ ክልል መቀሌ ከተማ
መሆኑን፣ ወላጆቹ የመቀሌ ነዋሪ
መሆናቸውን ባለቤቱና ሁለት ልጆቹ
ቢሾፍቱ እንደሚኖሩ ለማወቅ
ተችሏል፡፡
ባለፈው ዓርብ ማለዳ ከረዳት
አብራሪው መቶ አለቃ ቢልልኝ
ደሳለኝና የበረራ ቴክኒሺያን ፀጋ
ብርሃን ግደይ ጋር በኤምአይ 35
ተዋጊ ሔሊኮፕተር የዘወትር
የልምምድ በረራ ለማድረግ
ከጠዋቱ 2፡35 ሰዓት ድሬዳዋ
ከሚገኘው የአየር ኃይል ቤዝ
እንደተነሱ ለመረዳት ተችሏል፡፡ ዋና
አብራሪው ከአጭር ጊዜ በረራ
በኋላ የበረራ ከፍታውን በመቀነስ
ወደ ኤርትራ በማቅናት
ሔሊኮፕተሩን አሰብ ማሳረፉን
ምንጮች ለሪፖርተር ተናግረዋል፡፡
መከላከያ ሚኒስቴር ባለፈው ሰኞ
ባወጣው መግለጫ ተዋጊ
ሔሊኮፕተሩን ዋና አብራሪው ይዞ
ወደ ኤርትራ መኮብለሉን
አምኗል፡፡ ሚኒስቴሩ በመግለጫው
ዋና አብራሪው ቴክኒሺያኑንና ረዳት
አብራሪውን በማስገደድ ኤርትራ
ማረፉን አስታውቋል፡፡
ሔሊኮፕተሩ ባለፈው ዓርብ ከጠዋቱ
2፡35 ሰዓት ጀምሮ በመደበኛ
የሥልጠና ልምምድ ላይ እንደነበር
ጠቅሶ፣ ሔሊኮፕተሩ ከግንኙነት
ውጪ በመሆኑ ሠራዊቱ
በአካባቢው ማኅበረሰብና አጋሮች
ለተከታታይ ቀናት ፍለጋ ሲደረግለት
መቆየቱን አትቷል፡፡ ‹‹ሆኖም
ሔሊኮፕተሩ በከሀዲው ዋና አብራሪ
አማካይነት ቴክኒሻንና ረዳት
አብራሪውን በማስገደድ ኤርትራ
ማረፉን መረጃዎች ይጠቁማሉ፤››
ብሏል፡፡ ያነጋገርናቸው የኢትዮጵያ
አየር ኃይል አብራሪዎች ዋና
አብራሪው የሔሊኮፕተሩ አዛዥ
በመሆኑ የትም ወስዶ ሊያሳርፈው
እንደሚችል ተናግረዋል፡፡
‹‹ረዳት አብራሪው ጀማሪ ነው፡፡
የበረራ ቴክኒሺያኑ ቴክኒካዊ
ጉዳዮችን መከታተል ነው፡፡ ዋና
አብራሪው ረዳት አብራሪውና
ቴክኒሺያኑ እያወቁም ወይም
ያለነሱ ዕውቅና የፈለገበት ወስዶ
ሊያሳርፍ ይችላል፤›› ብለዋል፡፡
ባለፈው ወር የኢትዮጵያ አየር ኃይል
ከፍተኛ አመራሮች ጠንከር ባለ
ግምገማ ተወጥረው
መክረማቸውን ውስጥ አዋቂ
ምንጮች ለሪፖርተር ገልጸዋል፡፡
ኤምአይ 35 ሔሊኮፕተር
መትረየስና ተወንጫፊ ሮኬቶች
የተገጠሙለት ዘመናዊ ተዋጊ
ሔሊኮፕተር ነው፡፡ ከኋላው ስምንት
ወታደሮችን ወይም ሁለት የቁስለኛ
አልጋዎችን መያዝ ይችላል፡፡
የኢትዮጵያ አየር ኃይል ኤምአይ
17 እና ኤምአይ 8 የትራንስፖርት
ሔሊኮፕተሮች ሲኖሩት፣ ለውጊያ
የሚጠቀምባቸው በደርግ ጊዜ
የተገዙ ኤምአይ 24
ሔሊኮፕተሮችን ነበር፡፡ በግንቦት
1990 ዓ.ም. የኢትዮ ኤርትራ
ጦርነት ሲጀመር አሥር ኤምአይ
35 ሔሊኮፕተሮች የተገዙ ሲሆን፣
በጦርነቱ ወቅት ጥቅም ላይ
ውለዋል፡፡
የ1997 ዓ.ም. ሦስተኛ ብሔራዊ
ምርጫ ተከትሎ የተነሳውን
ግርግር ተከትሎ ሁለት የኢትዮጵያ
አየር ኃይል አብራሪዎች (ሻምበል
አብዮት እና ሻምበል በኃይሉ) አንድ
ኤምአይ 35 ሔሊኮፕተር ይዘው
ወደ ጐረቤት አገር ጂቡቲ
መኮብለላቸው ይታወሳል፡፡ ብዙም
ሳይቆይ የጂቡቲ መንግሥት
አብራሪዎቹን አሳልፎ ለኢትዮጵያ
መንግሥት የሰጠ ሲሆን
ሔሊኮፕተሩንም መልሷል፡፡
አብራሪዎቹ የጦር ፍርድ ቤት
ቀርበው በአሁኑ ወቅት በእስር
እንደሚገኙ ለማወቅ ተችሏል፡፡
በተመሳሳይ ወቅት በቤላሩስ
በሥልጠና ላይ የነበሩ ሰባት
የኢትዮጵያ አየር ኃይል የኤስዩ 27
ተዋጊ ጀት አብራሪዎች ከድተው
ጥገኝነት መጠየቃቸው ይታወሳል፡፡
አብራሪዎቹ በተለያዩ የምዕራብ
አገሮች ጥገኝነት ማግኘታቸው
ይነገራል፡፡
ቀደም ሲል ሻምበል ተሾመ ተንኮሉ
የተባለ የአየር ኃይል ባልደረባ
በ1995 ዓ.ም. ኤል 39 የተሰኘ
የመለማመጃና ቀላል የውጊያ
አውሮፕላን ለልምምድ በረራ
ከመቀሌ ቤዝ ይዞ እንደተነሳ ወደ
ኤርትራ ኮብልሎ ነበር፡፡
እስከ ማክሰኞ ታኅሳስ 14 ቀን
2007 ዓ.ም. ምሽት ድረስ
የኤርትራ መንግሥት ስለተጠለፈው
ኤምአይ 35 ሔሊኮፕተር ምንም
ዓይነት መግለጫ አልሰጠም፡፡

10 ቢሊዮን ብር በከንቱ ለባከነበት “የነፋስ ተርባይኖች” ቅሌት፣ ተጠያቂው ማን ነው?

Freedom4Ethiopian

“ለነፋስ ተርባይኖች” ግዢ በሚል ሰበብ በየአመቱ እንደዘበት የሚባክነው የቢሊዮን ብሮች ሃብት ሲታይ፣ በእርግጥም በኢትዮጵያ ታሪክ አቻ የማይገኝለት ቅሌት ነው ማለት ይቻላል። በየትኛውም አገር ቢሆን፣ በበለፀጉት አገራትም ጭምር፣ ከፍተኛ ሃብት በከንቱ እንዲባክን ማድረግ አሳፋሪ ተግባር ነው። አብዛኛው ህዝብ ችግረኛ በሆነባት፣ ሩብ ያህሉ ካለምፅዋት ሕይወቱን ማቆየት በማይችልባትና ገና አንገቷን ቀና ለማድረግ በምትውተረተር ደሃ አገር ውስጥ፣ በፈቃደኝነት ሃብት እንደ ዘበት ሲባክንስ ምን ይባላል?
እስካሁን በመቀሌና በአዳማ ናዝሬት የተተከሉት የነፋስ ተርባይን ጣቢያዎች፤ እንዲሁም በቅርቡ በተፈረመው ውል አዳማ ላይ የሚጀመረው ሦስተኛ የነፋስ ተርባይን ጣቢያ፣ በድምሩ 770 ሚሊዮን ዶላር (15.4 ቢሊዮን ብር) ገደማ ይፈጃሉ። ከዚሁ ገንዘብ ውስጥ፣ ከአስር ቢሊዮን በላይ የሚሆነው ሃብት በከንቱ የባከነ ነው። ለምን ቢባል፤ የነፋስ ተርባይኖቹ ዋጋ እጅግ ውድ ነው፤ ኤሌክትሪክ የማመንጨት አቅማቸው ደግሞ ደካማ! በሌላ አነጋገር፤ በአነስተኛ ወጪ የሃይል ማመንጫ ግድብ በመገንባት ከነፋስ ተርባይኖች በሶስት እጥፍ የሚበልጥ ኤሌክትሪክ ማመንጨት ይቻላል። ነገሩ ቀልድ አይደለም።
አንደኛ፤ ብክነቱን በአንዳች “አሳማኝ ምክንያት” በይቅርታ እንድናልፈው ለማድረግ ይቅርና፤ በአንዳች “ማመካኛ” ለማድበስበስም አይመችም። ያፈጠጠ ብክነትና ያገጠጠ ቅሌት መፈፀሙ አያከራክርም።…

View original post 1,088 more words

ጎጃም ሃገሬ ሆይ እውነት ሱሪህ ወልቋልን? ተነስ አንተ የተኛህ ያንቀላፋህ ሱሪህን የፈታህ ጎጄ፥ ወንድነትህን ሳታጣ ማንነትህን አሳይ፥ ተነስ ተነስ ተነስ!!!!!!!!! በ አደኩበት ጎጃም ሰው ተከባብሮ ይኖር ነበር፥፥ ማንም ባለስልጣን ነኝ ብሎ ደፍሮ አንድን ግለሰብ ያለግባብ አይበድልም፥ አይገድልም ነበር፥፥ ከገደለ፥ የሟች ወገን የወንድሙ ልጅ ደም ፈሶ ዝም ብሎ አይተኛሞ ነበር፥፥ ህዝባችን በመከባባር ላይ የተመረኮዘ መፈራራት ነበረው፥፥ ዛሬ ላይ ግን ልጅህን አንድ ፓሊስ በርህ ላይ ደፍቶብህ ሲሄድ አባት ወይም ወንድም እጁን አጣጥፎ የሚቀመጥበት ሁኔታ ነው ያለው፥፥ ይህ እጅግ የሚያሳዝን ነገር ነው፥፥ ፍትህ በሌለበት አገር፥ መንግስት አልባ በሆነ አገር በጉልበት ባሪያ አደርግሃለው ብሎ ለተነሳ ወንበዴ ጉያህ ያለውን ሲወስድብህ ዝም ብሎ መተኛት የ ጎጃም ባህል አልነበረም፥፥ የወገኔ ሱሪን ያስፈታው ምን እንደሆነ አላውቅም፥፥ ማንነትህን ፥ እምነትህን እንድታጣ ለወያኔ እጅ እና ጓንት ሆኖ የሚገልህን ሆዳም ባልጊዜ ነኝ ባይ ሲዝናናብህ፥ ሲገድልህ፥ ሲገርፍህ ተኝተህ መገረፍህ እጅግ አሳዛኝ ነገር ነው፥፥ አገሬ እንዲዚህ አለነበረም፥፥ ትምክተኛው ወያኔ መተማመኛው መግደያ መሳሪያው ነው፥፥ የ ወንዜን ልጅ ምን ነካው? አንድ ነገር መሰመር ያለብት ነገር በግሌ በመገዳደል የሚመጣ ሰላም የለም፥፥ ነገር ግን አንድ ወገን ዘላለም ተጠቂ ሆኖ ሲቀጥል አምላክ ያውቃል ብሎ አንገትን መድፋት ግን ከሽንፈትም በላይ ውርደትና ማንነትን የማጣት እጣፋንታ ነው፥፥ አሁን በወገኔ ላይ እየደረሰ ያለው ይህ ነው፥፥ ወያኔ ገና ሲገቡ ያደርጉት ነገር ቢኖር የ አገሬውን ህዝብ ጠመንጃ ማስፈታት ነው፥፥ አሁን መለየት አለበት፥፥ ባለጌ ባልጊዜ ነኝ ብሎ ወንድምህን፥ አባትህን ፥ እናትህን ከጉያህ እየነጠቀ የሚገርፍብህን፥ የሚግድልብህን ባለጌ ባለስልጣን ዝም ብለህ እያየህ ከተኛህ ማሪያምን የ ዚያ የጀግናው የበላይ ዘለቀ አድባር ትጣልቶሃል ማለት ነው፥፥ ወንድነትህን ሽጠሃል ማለት ነው፥፥ ወገኔ፥ አንገቱን የደፋ እንደተደፋ ይቀራል፥፥ አንገትህን ያሰደፍህን ባለጊዜ ጠብቀህ ምላሹን ይሰጠኸው ጊዜ ወንደነትህ ይታደሳል፥፥ ተነስ አንተ የተኛህ ያንቀላፋህ ሱሪህን የፈታህ ጎጄ፥ ወንድነትህን ሳታጣ ማንነትህን አሳይ፥ ተነስ ተነስ ተነስ

ሕወሐት ደ/ፂዮንን ጠ/ሚ/ር ለማድረግ አቅዷል

Freedom4Ethiopian

ሕወሐት ደ/ፂዮንን ጠ/ሚ/ር ለማድረግ አቅዷል * የአዜብና የደህንነቱ ሹም ያልታሳካ እቅድ

(ከኢየሩሳሌም አርአያ)
የጠ/ሚ/ር ስልጣን ወደ ሕወሐት ለመመለስ የፓርቲው ቁልፍ አመራሮች በምስጢር ሲመክሩ መስንበታቸውን የቅርብ ምንጮች አስታወቁ። በአቶ ደብረፂዮን ገ/ሚካኤል፣ አባይ ፀሐዬ፣ ጌታቸው አሰፋ፣ ጄ/ል ሳሞራ የኑስ፣ ፀጋይ በርሔ፣ አርከበ እቁባይና ስብሃት ነጋ የሚመራው የሕወሐት ከፍተኛ አመራሮች ከዚህ ቀደም ሲካሂዱት በነበረውና ህወሀት የጠ/ሚ/ ርነት ስልጣን መልሶ መያዝ ይኖርበታል፣ የሚለውን ምክክር ከዳር ለማድረስ አቋም መያዘያቸውን ያስታወቁት ምንጮቹ በተለይ በቅርቡ የተካሄደው የአራቱ ፓርቲዎች ጉባኤ ላይ በብአዴንና ኦህዴድ በኩል ቅሬታና ተቃውሞ እየበረታ በመምጣቱ የሕወሐት አመራሮች ስልጣኑን በእጃቸው ለማስገባት ቆርጠው መነሳታቸውን አስረድተዋል። በብአዴን በኩል የአቶ በረከት ስሞን ከስልጣን መገፋት በደጋፊዎችቻቸውና አመራሩ በኩል ቅሬታ መፍጠሩን የጠቆሙት ምንጮቹ በረከት ስሞን የጠ/ሚ/ር ሃ/ማርያም አማካሪ ተብለው ቢሾሙም ነገር ግን በጠ/ሚ/ር ፅ/ቤት ቢሮ እንዳልተሰጣቸውና የተሰጣቸው ካዛንቺስ አካባቢ የሚገኘው የቀድሞ የደህንነት ቢሮ መሆኑን ምንጮቹ ገልፀው በዚህ ቢሮ ኩማ ደመቅሳ እንደሚገኙና በጠ/ሚ/ር ፅ/ቤት አዲስ ቢሮ ተገንብቶ ይሰጣችኋል የተባለው ተግባራዊ እንዳልሆነ አያይዘው አስረድተዋል። በጠ/ሚ/ር ፅ/ቤት ቢሮ የተሰጣቸውና ከአቶ ሃ/ማርያም እያንዳንዷ እንቅስቃሴ ያልተለዩት…

View original post 745 more words