የአይሲል (ISIL) እንቅስቃሴ ምንነትና አንደምታው (ከአንድ ኢትዮጵያዊ ግለሰብ ዕይታ)

የአይሲል (Islamic State of
Iraq and the Levant – ISIL)
እንቅስቃሴ ከሰማይ ዱብ ያለ አዲስ
ክስተት አይደለም። አይሲል
( አንዳንዶቹ ISIS ይሉታል –
Islamic State of Iraq and
Syria ) በመካከለኛው ምሥራቅ
ያለው የፖለቲካ ውጥንቅጥ ሀቅ
ውጤት ነው። ለአነሳሱ፣ ለዕድገቱና
ለሂደቱ ብዙ ነባሪ ምክንያቶች
አሉት። በርግጥ የአይሲልን
እንቅስቃሴ ከሀይማኖትና ከዘይት
ሀብት ለይቶ ማየት አይቻልም።
በፍልጥዔማውያንና
በእስራዔላውያን መካከል ያለው
ማብቂያ የለሽ ያልተቋረጠ ጦርነት
አንዱ ምክንያቱ ነው። በኋላ ቀር
የአረብ ነገሥታትና በሥራቸው
የሚሰቃየው ሕዝብ የኑሮና የሀብት
ሥምሪት መራራቅ ሌላው
ምክንያቱ ነው። በእስልምና
አጥባቂዎችና ለዘብተኛ ተከታዮች
መካከል ያለው የግንዛቤ ልዩነት
ሌላው ምክንያቱ ነው።
አሜሪካኖች የራሳቸውን ጥቅም
ለማስጠበቅ በቦታው የሚፈጥሩት
ጣልቃ ገብ ፈትፋችነታቸው
ቀንደኛው ምክንያቱ ነው።
የሩስያኖች በቦታው ከአሜሪካኖች
ጋር በመወዳደር የሚያደርጉት
ጣልቃ ገብነት ሌላው ቀንደኛ
ምክንያቱ ነው። የእስራዔል
በቦታው በየመኖርና ባለመኖር
መካከል ያላት የግብግብ ስሌት
ሌላው ምክንያቱ ነው።
የፍልስጥዔማውያንን የነፃነት ትግል
በመደገፍና ባለመደገፍ
በመካከለኛው ምሥራቅ
መንግሥታት ያለው ሥምሪት ሌላው
ምክንያቱ ነው። በተጨማሪ
በሺዓይትና ሱኒ መካከል ያለው
የሃይማኖቱንና የትግባር
አተረጓጎም ልዩነትና የተከታዮቻቸው
ውድድር ሌላው ምክንያቱ ነው።
ኢራን፣ ሳውዲ ዓረቢያ፣ ሶሪያ፣
ቱርክ፣ የሚጫወቱት ሚና ሌላው
ምክንያቱ ነው። ዘይት የመዘመዘው
የሀብት ክምችትና በሰዎች መካከል
ያስከተለው መለያየት ሌላው ቀንደኛ
ምክንያቱ ነው። ባጭሩ የአይሲል
እንቅስቃሴ የተመሰቃቀለ ነው።
ዛሬ አሜሪካኖች ያለ የሌለ
የቴክኖሎጂ ግኘቶቻቸውን
አዋቅረው፤ ከአረብ ነገሥታት
የሚያገኙትን የዘይት ገንዘብ
ስብስበው፤ ሟች ወጣቶችን
አንጋግተው አይሲልን ቢወግሩት፤
ነገ በሌላ መልኩ የሚቀጥል
እንቅስቃሴ በመካከለኛው
ምሥራቅ ይፈለፈላል። በዚህ
ጽሑፍ፤ በዚህ ዙሪያ
በኢትዮጵያዊነቴ፤ በኔስ በኩል ምን
አለ? በማለት ያዋቀርኩትን
ኢትዮጵያዊ ግንዛቤ ላካፍላችሁ።
እንግሊዞች በመካከለኛው ምሥራቅ
ዘልቀው ቦታውን ማመስ ከጀመሩ
ወዲህ፤ ከአካባቢው ሰላም ርቋል።
ይኼንኑ ነውና የፈለጉት፤ ከዚያ ጊዜ
ወዲህም ሳያርፉ፤ አካባቢውን
ሲያምሱ መኖራቸው ለሁላችንም
ግልጽ ነው። ቅኝ ገዥዎች ዋናው
ዓላማቸው፤ በወቅቱ ያለውን ያካባቢ
ንብረት ከመዝረፍ ሌላ፤ ለቀው
ሲወጡ፤ በዚያ አካባቢ ሰላም
እንዳይኖር፤ እንቅፋት ተክለው
መውጣት ነው። ይህን እንግሊዞች፤
በሕንድና በፓኪስታን፤ በራሳችን
ሀገር በኤርትራና በቀሪው
የኢትዮጵያ ክፍል፤ በያንዳንዱ
በገዙት ሀገር ሁሉ የኖረ መታወቂያ
ቅርሳቸው ነው። አርበኞቻችን
ጎንደርን ሊይዙ ከመተማ ተነስተው
በሰቀልት ብቅ ሲሉ፤ ከጣሊያን
ፋሽስቶች ጋር በመመሣጠር፤
ንብረታቸውን ሁሉ ተረክበው፤
አርበኞች ጎንደር እንዳይገቡና
ፋሽስቶችን እንዳይወጉ እናም
ንብረቱን እንዳይወስዱ ተከላክለው፤
በገዛ ሀገራችን፤ አርበኞቻችንን
ከልክለዋቸዋል። በርግጥ በጥቁር
ላይ ያላቸው ጥላቻና ንቀት፤
በኢትዮጵያዊያን አርበኞች ላይ
ያላቸው ቂም ተደምሮ፤ በየትም
ቦታ የሚያደርጉትን መረዳቱ ቀላል
ነው። ይህ ፈረንሳዮችም ሆኑ
ጣሊያኖች፤ ቤልጂጎቹም ሆኑ
ስፓኒያርዶች፤ ሁሉም የተከተሉት
የቅኝ ግዛት መመሪያቸው ነው።
በተለይ የጎሳ ክፍፍል ጨዋታቸው፤
በነጭ አውሮፓዉያን መካከል ዋና
ነቀርሳ መሣሪያቸው ነው።
በአፍሪቃ ውስጥ አሁን ያሉትን
ብጥብጦች መሠረት ብንፈልግ፤
ዋናው ምንጩ ቅኝ ገዥዎች
ሆነው፤ ሌላው ቀሪው፤ እኒሁ ቅኝ
ገዥዎች ያሠለጠኗቸው ሀገር በቀል
የፖለቲካ ሊሂቃን ሆነው እናገኛለን።
ይህ የነቀርሳ ውርስ አሁንም በኒሁ
ቅኝ ገዥዎች ባሰለጠኗቸው ሀገር
በቀል አደግዳጊዎች እያመረቀዘ፤
ሰላም በየአካባቢው እንዳይኖር
አድርጓል። በርግጥ ከላይ
እንዳስቀመጥኩት የአይሲልን
እንቅስቃሴ ከሀይማኖትና ከዘይት
ሀብት ለይቶ ማየት አይቻልም።
እነዚህን የዘይት ሀብትና
የሃይማኖት ጨዋታዎች ደግሞ
ከእንግሊዝ፣ ከአሜሪካንና ከሩስያ
ገንጥሎ ማስቀመጥ አይቻልም።
በፍልጥዔማውያንና
በእስራዔላውያን
መካከል
ያለው
ማብቂያ
የለሽ
ያልተቋረጠ
ጦርነት
አንዱ
ምክንያት
ነው
ብያለሁ።
በእስራኤሎችና
በፍልስጥዔማዉያን መካከል ያለው
ጠብ እንዳለ ሆኖ፤ ራሱን የቻለና
በጣም የተመሰቃቀለ ጉዳይ ነውና
ለሌላ ጊዜ ትተን፤ ይህ ጉዳይ አሁን
እየተካሄደ ላለው የአይሲል
እንቅስቃሴ ምን ዓይነት አስተዋፅዖ
አድርጓል? የሚለውን እንመልከት።
በፍልስጥዔማውያንና
በእስራኤላዊያን መካከል ለዘመናት
የኖረ ጠብ አለ። የዚህን ምንጭ
ብዙ ሳይሄዱ መረዳት ይቻላል።
ሆኖም ለያዝነው ርዕስ ትኩረት
በመሥጠት፤ በሃያ አንደኛው ክፍል
ዘመን ለዚህ ጉዳይ መፍትሔ
መሥጠት አለመቻሉ በጣም
ያስገርማል። ይህ በመካከለኛው
ምሥራቅ ጎልቶ የሚታየው ጠብ፤
በአንድ በኩል እስራኤሎችን በሌላ
በኩል ደግሞ ፍልስጥዔማውያንን
አሰልፏል። በፍልስጥዔማውያን
መካከል ለዘብተኞችና አክራሪዎች
አሉ። በነኚህ የፍልስጥዔማውያን
መካከል የሚዋልል ግንኙነት አለ።
አንደኛው ክፍል ከእስራኤል ጋር
አብሮ ለመኖር ሲዳዳ፤ ሌላው ክፍል
ደግሞ መሬታችን የፍልሥጥዔሞች
መሬት ነው። ቅኝ ገዥዎች
ያመጡብን ጣጣ ነው ይላል።
እስራዔሎች ደግሞ ታሪካዊ
ባለቤትነት አለን ባዮች ናቸው። ይህ
በመካከላቸው ያለው ጠብ፤
ደጋፊዎችን በማሰለፍ በኩል፤
የአረብ ሀገሮችንና ምዕራባዊያንን
ለያይቶ አስቀምጧል። እኔም
አለሁበት ባይ ሩስያም በበኩሏ
ጣቷን አስገብታለች። ይህ ጠብ
የዘይቱን ፍላጋ ካለው ፖለቲካ
ተጨምሮ፤ ቋሚ ሆኗል። በዚህ
የአይሲል እንቅስቃሴ የተኮለኮሉት፤
እስራዔልን ማጥፋት አንዱ
መርኋቸው ነው። ስለዚህ
የእስራዔሎችና የፍልስጥዔማውያን
ጦርነት፤ ለአይሲል እንቅስቃሴ
ቀጥተኛ አስተዋፅዖ አለው።
በኋላ ቀር የአረብ ነገሥታትና
በሥራቸው የሚሰቃየው ሕዝብ
የኑሮና የሀብት ሥምሪት መራራቅ
ሌላው ነው። ቀደም ሲል የአረብ
መንግሥታት መሪዎች ከሃይማኖት
ጋር በጣም የተጣበቀ ትስስር
ነበራቸው። በአካባቢው ዘለዓለማዊ
የበላይነት እንዲኖራቸው የሰለቱት
ቅኝ ገዥዎች፤ የሚከተላቸውን
መንግሥታዊና ወታደራዊ
መዋቅሩን ካስተካከሉ በኋላ ጥለው
ሲወጡ፤ ጊዜውና የዓለም ጉዞ ሂደት
ሆኖባቸው፤ ለውጥ ማስከተል ግድ
ሆነ። ነገር ግን፤ በቦታው
የተቀመጡት ነገሥታቶችና
አምባገነኖች፤ ከቅኝ ገዥዎቻቸው
እንደተማሩት ሁሉ፤ ከሥራቸው
ያለውን ሕዝብ እንደባሪያ መግዛት
ቀጠሉበት። ድንገት ብቅ ያለው
የዘይት ሀብት፤ ከላይ እስከታች
ያለውን ጉዳይ በጠበጠው። በነኚህ
ገዥዎች እቅፍ የተዘረገፈው
ንብረት፤ ያሻቸውን ለማድረግ በር
ከፈተላቸው። የኛን ሀገር የፖለቲካ
ምኅዳር ከመበጥበጥ ጀምሮ፤
በራሳቸው ሕዝብ ላይም
የሚያደርጉትን ቅጥ ያጣ ድፍረት
መለኪያ አሳጣው። በዚህ ላይ
ምዕራባዊያኑ ከጀርባ ሆነው
የጥቅሙ ተካፋይና የወስኝነትም
ሚናቸውን አስፋፉ። እናም
ለሃይማኖቱ ተቆርቋሪ የሆኑትና፤
በተለይም የውጪ ዜጎችን በቦታው
መንቀሳቀስ ያልወደዱት አረቦች፤
ከነዚህ ውስጥ በየቤተ መንግሥቱ
ካሉት ግለሰቦችም ጭምር፤
አኮረፉ። እናም ውስጥ ውስጡን
የዚህ እንቅስቃሴ የውስጥ አርበኞች
ሆኑ። ስለዚህ የገዥዎቹ ተግባር
ለዚህ እንቅስቃሴ አስተዋፅዖ
አድርጓል።
የመካከለኛው ምሥራቅ፤ አሁን
በዓለም ዙሪያ ካሉት ዋና ዋና
ሃይማኖቶች የሶስቱ ምንጭ ነው፤
ለክርስቲያኖች፣ ለሙስሊሞችና
ለቤተ እስራኤሎች። በርግጥ
ቀደም ብሎ የነበረው ጥንታዊው
የዞራስተር ሃይማኖትም ምንጩ
ይኼው አካባቢ ነው። የሃይማኖት
ጉዳይ በኑሮ ደረጃ፤ በተለይም
በአስተዳደር ዙርያ ሲገባ፤ የሥጋና
የነፍስን ወሰን ያፈርሰዋል።
ሥጋንም እንደነፍስ መመዘን
ይፈልጋል። ይህ ደግሞ በግለሰብ
ደረጃ የሃይማኖቱ ተከታይ ከመሆን
አልፎ፤ አንድ ለአንድ በአምላኩና
በግለሰቡ መካከል ያለው ግንኙነት
ተቀይሮ፤ በስብስብና በአምላካቸው
እንዲሆን ግዴታ ያደርጋል። ይህ
መሠረታዊ የሆነው ጉድለት፤
ሃይማኖቱን በመተርጎም ላይ
ከፍተኛ ጫና እያስከተለ፤ ለጦርነት
በር ይከፍታል። ለአንድ ሺ ዓመታት
አንድ የነበረችው የክርስትና
ቤተክርስቲያን፤ ለሁለት ተከፈለች።
ለሁለት በተከፈለው የክርስትና ቡድን
አባልነቱ፤ የግለሰብ ፍላጎት ሳይሆን፤
የገዥዎቹ ፍላጎት ሆነ።
በምሥራቃዊው የክርስትና
ተከታዮች (ኮንስታንቲኖፕል
ማዕከሉ) እና በምዕራባዊው
የካቶሊክ ቤተክርስትያን (ሮም
ማዕከሉ) የነበረው ክፍፍል ይኼው
ነው። ከዚያ በሮምና በጀርመኖቹ፤
ከዚያም በስዊትዘርላንድ
በእንግሊዝ እያለ ክፍፍሉ ቀጠለ።
በእስልምናም ዘንድ ይሄ የምናየው
የሽዓይት፣ የአላዋይትና የሱኒ
ክፍፍል እንዲያው ነው። መቸም
ጥቅልል ባለ መልኩ እንዲህ
ሲቀርብ ብዙ የሚጎድል እንዳለ
እየተቀበልኩ፤ ለጽሑፉ ሂደት
ይረዳኝ ዘንድ ግን ጥቅሉን
መቀበሉ ግዴታዬ ሆኗል። እናም
ገዥዎች የሃይማኖትም የበላይነት
በመላበሳቸው፤ ለአይሲል መፈጠር
ከፍተኛ አስተዋፅዖ አድርገዋል።
በእስልምና አጥባቂዎችና ለዘብተኛ
ተከታዮች መካከል ያለው የግንዛቤ
ልዩነት ሌላው ነው። መቸም
የሃይማኖት ጉዳይ ችግር
የሚያስከትለው፤ “እኔ የበለጠ
ሃይማኖተኛ ነኝ። የኔው ነው
ትክክል እንጂ ያንተው ትክክል
አይደለም።” የሚለው ነው። ይህ
ነጥብ ደግሞ አይቀሬ ነው።
ምክንያቱም፤ ሌላም ትክክል አለ
የሚል ጥርጣሬ ያለው ግለሰብ
አማኝ፤ የራሱን ብቸኛ ትክክል ነው
ብሎ እንዳይቀበል ስለሚያግደው፤
ሌሎች በሙሉ ስህተተኞች ናቸው
የሚለውን ማስመር አለበት።
አንደኛው የክርስትና ዘርፍ
ሌላኛውን የክርስትና ዘርፍ
ማጣጣሉ ከዚህ የመጣ ነው።
በእውነት ታሪክና የሃይማኖታቸው
ምንጭ አንድ ሆኖ፤ በሂደት ሊለያዩ
ያበቃቸው፤ ሃይማኖቱ ስላደገ
ወይንም ስለጠወለገ ሳይሆን፤
የነፍስን ጉዳይ ከሥጋ በማዛመድ፤
እኔ የምልህን ስማ የሚል ቀጭን
ትዕዛዝ ሰጪ ስለመጣ ነው። ይህ
ደግሞ በግልፅ የሥጋ ክልል እንጂ
የነፍስ ክልል አይደለም። ታዲያ
አጥባቂና ለዘብተኛ የሚባሉት፤
ከሥጋ ፍላጎት አንጻር እንጂ፤ የነፍስ
ክልል ከሆነው መሠረት አይደለም።
በአንድ አምላክ እናምናለን
የሚሉና፤ ሁሉም ሰዎች
በአምላካቸው አምሳያ የተፈጠሩ
ናቸው ብለው የሚቀበሉ አማኞች፤
የአምላካቸውን ፍጡር እነሱ ዳኛ፣
እነሱ ፍርድ ሰጪ ሆነው፤ ይኼን
ካልተቀበልክ ብሎ መግደል
በፍፁም አይቀናቸውም ነበር።
ሆኖም ግን ይህ ለአይሲል መነሳትና
ማደግ አስተዋፅዖ አድርጓል።
አሜሪካኖች የራሳቸውን ጥቅም
ለማስጠበቅ በቦታው የሚፈጥሩት
ጣልቃ ገብ ፈትፋችነታቸው
ቀንደኛው ምክንያቱ ነው። አሜሪካ
በሁለተኛው የዓለም ጦርነት ላይ
የበላይ ሆናና የኮሚኒስትን
መስፋፋት አጋች ሆና በዓለም ዙሪያ
ክንፏን ከዘረጋች ጀምሮ፤ የራሷን
ጥቅም ለማስጠበቅ፤ ዛሬ ቻይና ለኔ
እስከጠቀመኝ ድረስ ብላ አምባገነን
መሪዎችን በዓለም ዙሪያ
እንደምታሽሞነሙን ሁሉ፤ እርሷም
የአምባገነኖች አሽሞንሟኝ
ነበረች። አሁንም ነች። ቺሌ ውስጥ
አዬንዴን አስገድላ የፒኖቼን
አምባገነን መንግሥት መትከሏ በቂ
ማስረጃ ነው። ዛሬም ለወራሪው
የትግሬዎች ነፃ አውጪ ግንባር
መንግሥት የምታደርገው ድጋፍ ለኛ
ተጨማሪ ማስረጃ ነው። ወደ
አይሲል ስንመለስ፤ ቡሽና ቼኒ
የፈጠሩት የውሸት ጋጋታን ተከትሎ
የመጣው የኢራቅ ወረራ፤
ለመፈጠራቸው መሠረቱ ነው።
አስከትለውም “ዲ ባዚፊኬሽን”
ብለው ሱኒዎችን ከመንግሥት
ማንኛውም ተሳትፎ አባረሯቸው።
በርግጥ የኑሪ ማላኪ የሺዓይቶችን
የበላይነት ለማሳየት ሱኒዎችን
ድምጥማጣቸውን ከመንግሥት
መዋቅሩ ማጥፋቱ ተከትሎ የመጣ
ጉድ ነው። ይህ የአሜሪካኖች
ጣልቃ ገብነትና ያቋቋሙት
የማሊኪ መንግሥት፤ የሱኒ
ወታደራዊ መዋቅሩን ከሥር
መሠረቱ ድምጥማጡን አጥፍቶ
ጄኒራሎችን ቁሻሻ እንደነካ በትር
አውጥቶ መጣሉ፤ የአይሲል
መፈጠር አይቀሬ መሆኑን አወጀ።
እናም አሜሪካኖች ቀንደኛው
ምክንያት ናቸው።
የሩስያኖች በቦታው ከአሜሪካኖች
ጋር በመወዳደር የሚያደርጉት
ጣልቃ ገብነት ሌላው ቀንደኛ
ምክንያቱ ነው። በሩሲያ በአሜሪካ
የነበረው ጠብ እኔ እበልጣለሁ
የለም እኔ እበልጣለሁ ነበር።
ይኼውም በርዕዩተ ዓለም ተደግፎ፤
የሶሺያሊስት እና የካፒታሊስት ሠፈር
ተብሎ ተለይቶ፤ የቀዝቃዛው
ጦርነትን ዘመን አዋቅሮታል። ከዚያ
ወዲህ፤ መሠረታዊ የሆነውና በሥሩ
ተሰምሮ የኖረው የጥቅም
ስግብግብነቱ ጎልቶ ወጥቷል። ምን
ጊዜም ቢሆን እኔ ልጠቀም እኔ
ልጠቀም ነበር ሩጫው። አሁንም
የንዋይ ውድድሩ አይሏል። ሩስያ
አሜሪካ በሂደችበት እኔም አለሁ
ማለቷ አዲስ አይደለም። አሁንም
የሶሪያውን አሳድ በመደገፍና እንደ
ኢትዮጵያ በሶሪያ ውስጥ ላለው
የጥቂቶች ጠባብ ወገንተኛ
መንግሥት የምታደርገው አብሮ
መቆም፤ ለሀገሪቱ የሱኒ ተከታዮች
ለአይሲልን ድጋፍ እንዲሠጡ
መንገድ አበጀ። እናም በኢራን፣
በሶሪያና በቀድሞ የሶቪየት አካል
የነበሩ የደቡብ ጎረቤቶቿ ጣልቃ
ገብነት፤ ለአይሲል መፈጠርና ማደግ
አስተዋፅዖ አለው።
የእስራዔል በቦታው በየመኖርና
ባለመኖር መካከል ያላት የግብግብ
ስሌት ሌላው ምክንያቱ ነው።
እስራዔል የምትከተለው
የፍልስጥዔማውያንን መከፋፈልና
ርስ በርስ ማጣላት ስልት፤ ሰላም
በመካከለኛው ምሥራቅ እንዳይኖር
አንዱ ምክንያት ነው። ይህ
በመካከላቸው የተፈጠረው ክፍፍል
ደግሞ በራሱ፤ ሌሎች ችግሮችን
አስከተለ። ገሚሶቹን አክራሪ
ሲያደርጋቸው፤ አብዛኛውን ሕዝብ
ደግሞ ተስፋ እንዲቆርጥ
አደረገው። ይህ ሁኔታ ደግሞ፤
ለጥቃቅን ጉዳዮች ክብደትን
በመሥጠት ለሚያርገበግቡት ራስ
ፈጣር የችግር ደራሾች፤ የፈጣሪነት
ሚና ከፈተላቸው። እናም በሶሪያ፣
በሳዑዲ አረቢያ፣ በጆርዳን፣ በግብፅ፣
በሊባኖስ፣ በቱርካን በአብዛኛው
የእስልምና ተከታይ ሀገሮች፤
ለአክራሪዎች መፈልፈል ለም
መሬት አዘጋጀ። ስለዚህ እንኳን
በነዚህ ሀገሮች፤ በምዕራባዊያኖቹ
በአሜሪካ፣ በእንግሊዝ፣
በፈረንሳይና በጀርመን ተከታዮችን
ማፍራት ቀላል ሆነላቸው። ይህ
ሌላው ምክንያት ነው።
የፍልስጥዔማውያንን የነፃነት ትግል
በመደገፍና ባለመደገፍ
በመካከለኛው ምሥራቅ
መንግሥታት ያለው ሥምሪት ሌላው
ምክንያቱ ነው። ሰላም በአካባቢው
እንዳይኖር የጣሩት ቅኝ ገዥዎች፤
ዛሬ ተቆርቋሪ በመምሰል የሰላም
አቀንቃኞች ነን ቢሉም፣
በመካከለኛው ምሥራቅ ላለው
ችግር ተጠያቂዎቹ እነሱ ናቸው።
የፍልስጥዔማውያን ችግር፤ ለረጂም
ዘመን ከመቆየቱ የተነሳ፤ የተከፋፈለ
ምኞትና የትግል መንገድ
አብጅቷል። እናም በመካከላቸው
የማይታረቅ ቅራኔ ተፈጥሯል።
ይኼ ደግሞ አንድም ትግላቸው
እንዳይሳካ ሌላም ርስ በርሳቸው
እንዲጠፋፉ ምክንያት ሆኗል። ይሄ
በወጣቱ ተስፋ የማጣትና የሥር
ዕድል አለማግኘት ውጤት የሆነው
የኢንቲፋዳ ንቅናቄ፤ ውሎ አድሮ
ከፍ ያለ ችግር እንደሚፈጥር ግልፅ
ነበር። ይኼው የአይሲል ጉዳይ ከዚህ
ጋር የተጣበቀ ነው።
ተጨማሪ በሺዓይትና በሱኒ
መካከል ያለው የአተረጓጎም
ልዩነትና የተከታዮቻቸው ውድድር
ሌላው ምክንያቱ ነው። ይኼን ነጥብ
አስመልክቶ ከላይ ደርቤ
ስለተነተንኩት፤ መጣፊያ
አያስፈልገውም።
ኢራን፣ ሳውዲ ዓረቢያ፣ ሶሪያ፣
ቱርክ፣ የሚጫወቱት ሚና ሌላው
ምክንያቱ ነው። ኢራንና ሳዑዲ
አረቢያ የእስልምና ማዕከል እኔ ነኝ
የለም እኔ ነኝ የሚለው
ፉክክራቸው፤ የዋለ ያደረ ነው።
ሁለቱም የዘይት ክምችት
ስላሰከራቸው፤ በገንዘብና በጉልበት
የማዕከሉን ባለቤትነት ለመያዝ
የማያደጉት የለም። ሶሪያ የአንድ
ቤተሰብ አምባገነንነትና የጠባብ
ወገንተኛ አናሳ ክልል የበላይነት፤
በሶሪያ ሕዝብ ላይ የሚያደርሰው
በደል፤ ለዚህ ለአይሲል መነስታና
ዕድገት ከፍተኛ አስተዋፅዖ አለው።
ቱርክም በከርዶች ላይ
የምታደርሰው በደል ሲደመርበት፤
በጠቅላላ በአካባቢው ማንነትና
እምነት፤ ሀብትና ማጣት
ተቀላቅለውበት፤ አካባቢውን እግር
የሚለበልብ የጋለ መሬት
አድርገውታል። እንግዲህ በዚህ ላይ
ደግሞ ዘይት የመዘመዘው የሀብት
ክምችትና በሰዎች መካከል
ያስከተለው የኑሮ መለያየት፤
ለአይሲል ክስተት ቀንደኛ ምክንያቱ
ሆኗል። ባጭሩ የአይሲል
እንቅስቃሴ የተመሰቃቀለ ነው።
ለአንድ ኢትዮጵያዊ፤ የአይሲል
ሁኔታ ለምን አቅሉን ይስበዋል?
የሚለው ነው ዋናው ጉዳዬ።
በሀገራችን በኢትዮጵያ፤ እንደሌሎቹ
የመካከለኛው ምሥራቅ ሀገሮች
ሁሉ፤ የማንነትና የእምነት ጉዳይ፤
የፖለቲካ አመለካከትን ጨፍግጎ
በመያዝ፤ ሰዎች በነፃ የአመለካከት
ግንዛቤያቸውን እንዳይዙ ሽምቅቆ
ይዟል። እናም የፖለቲካችን ሂደት፤
በማንነትና በእምነት ዙሪያ
እየተጠመጠመ፤ በእያንዳንዳችን
ኢትዮጵያዊያን ዘንድ፤ የግል ግንዛቤ
ከማሳደር ይልቅ፤ ትግሬ ስለሆንኩ፣
ኦሮሞ ስለሆንኩ፣ ሙስሊም
ስለሆንኩ የሚለውን እንድናጎለብት፤
ወራሪው የትግሬዎች ነፃ አውጪ
ግንባር የዕለት ተዕለት ትግባሩ
አድርጎታል። እኛም
ተመችተንለታል። ስለዚህ፤ የአይሲል
መረብ ጣዮች፤ አሜሪካን፣
እንግሊዝን፣ ፈረንሳይንና ጀርመንን
መመልመያ መስካቸው
እንዳደረጉት ሁሉ፤ ኢትዮጵያንም
ቦታቸው ለማድረግ አይጥሩም
ማለት ዘበት ነው። ምክንያቱም
የወራሪው የትግሬዎች ነፃ አውጪ
ግንባር መንግሥት ከአሜሪካ ጋር
ያለው ቁርኝት፣ በእስልምና
ተከታዮች ላይ የሚያደርሰው በደል፣
ለሶማሊያና ለሱዳን ያለው ቀረቤታ፣
ተደማምሮ አመቺነቱ ግልፅ ነው።
በስደት በአረብ ሀገሮች ያሉ
ኢትዮጵያዊያን የሚደርስባቸው
በደል ለዚህ የአይሲል ሰበካ
ያጋልጣቸዋል። አንድ ቁርጠኛ
እንቅፋት ሆኖ ያስቸገረው፤
ኢትዮጵያዊያን ሀገር ወዳድ
መሆናችን ነው። የክርስትያን ሆነ
የእስልምና ወይንም ሌላ እምነት
ተከታዮች፤ ለሀገራችን ያለን ፍቅር
ወሰን የለውም። እናም ሀገራችንን
የምንሸጥ ሆነን አልተገኘንም።
ይሄ ከሃዲዎችን አያጠቃልልም።
ስለዚህ በብዛት ያለነው በሀገር
የመጣ ቀልድ አናውቅም። ሆኖም
ግን፤ ስብልን የሚያጠፋ ጥቂት
አንክርዳድ ነውና ስጋቴ ከዚህ
ይመነጫል።
አሜሪካ በምንም መንገድ ይሄን
ክስተት በጉልበት ለታጠፋው
አትችልም። መፍትሔው ብዙ
ጅማት አለው። ብዙ አስሮ የያዛቸው
ጉዳዮች አሉ። እናም ቀላል
አይደለም። ላሁኑ ይሔን ካልኩ፤
በዚህ ሂሳብ እኔም አለሁ የምትሉ
ሃሳባችሁን አካፍሉንና እኔም
የናንተን ላዳምጥ።

የዩኒቨርሲቲ ተማሪዎች መግቢያ ጊዜ *ወሎ ዩኒቨርሲቲ:- አዲስ ተማሪዎች መስከረም 18 እና 19 (ነባር ተማሪዎች ከመስከረም 30 እስከ ጥቅምት 1) *አርባምንጭ ዩኒቨርሲቲ:- አዲስ ገቢዎች መስከረም 18 እና 19 (ነባር ወደፊት በማስታወቂያ ይገለጻል) *ወልዲያ ዩኒቨርሲቲ፡- አዲስ ገቢ ተማሪዎች መስከረም 27 እና 28 (ነባር ተማሪዎች ጥቅምት 7 እና 8) *ጎንደር ዩኒቨርሲቲ፡- አዲስ የሚገቡት ከመስከረም 22 እስከ መስከረም 24 (ነባር ተማሪዎች ጥቅምት 7 እና 8) *ወላይታ ሶዶ ዩኒቨርሲቲ፡- አዲስ ገቢዎች መስከረም 18 እና 19 (ነባሮቹ ወደፊት በማስታወቂያ ይገለጻል) *ደብረ ብርሃን ዩኒቨርሲቲ፡- አዲስ ገቢ ተማሪዎች መስከረም 18 እና 19 (የነባር ተማሪዎች መግቢያ ወደፊት በማስታወቂያ ይገለጻል) *አዳማ ዩኒቨርሲቲ፡- አዲስ ገቢ ተማሪዎች ከመስከረም 18 እስከ መስከረም 20 (ነባር ተማሪዎች ደግሞ ጥቅምት 3 እና 4)

ግልጽ ደብዳቤ ለህወሃት –– ኦባንግ
ሜቶ
September 25, 2014
ግዜ መልኩን ሳይቀይር አሁን
ባላችሁ ዕድል ተጠቀሙ! … ቀናነት
ነጻ ያወጣችኋሌ!
አባይ ወሌደ የህወሃት ሉቀመንበር
መቀሌ፤ ትግራይ
አቶ አባይና መላው የህወሃት
ማዕከላዊ ኮሚቴ አባላት፤
ይህንን ደብዲቤ የምጽፍላችሁ
ከተለያዩ ኢትዮጵያውያን
በተውጣጣው የማኅበራዊ ፍትሕ
እንቅስቃሴ ከሚመራው በአዲሲቷ
ኢትዮጵያ የጋራ ንቅናቄ (አኢጋን)
ስም ቢሆንም በተለይ ግን
ሁላችንም የኢትዮጵያ ልጆች
እንደመሆናችን እኔም እንደ አንደ
ኢትዮጵያዊ ቤተሰብ አባል
የላኩላችሁ ድብዳቤ መሆኑን
እንዴታውቁልኝ እወዳለሁ።
ሙሉዉን ለማንበብ እዚህ ይጫኑ

ጠቃሚ ምክሮች ለሙስሊም እህቶች *የአላማ ታላቅነት *ሲበዛ ጠንቃቃ ሁኚ *ከአሉባልታና ወሬ ተጠበቂ *ምላስሽን ሰብስቢ *ቁርአን ማንበብ አዘውትሪ *ከሌለሽ የለሽም ታገሺ *ታማኝ እውነተኛ ሁኚ *ሚስጢር ጠባቂና እምነት የሚጣልባት እንዲሁም ኩሩ ሙስሊም ሁኚ *ወንጀልን አትዳፈሪ *ለሠውነት ክፍሎችሽ ተጠንቀቂ *የምትኩራሪበት ስልጣኔ ኢስላማዊ ስልጣኔ ይሁን *ለአላህ ብለሽ ውደጂ ለአላህ ብለሽ ጥይ *በመልካም ስነ-ምነግባር ታነጪ *የሠላትን ነገር አደራ

ኢማም ሀጂ ዙልመካ እና ስስ ፌስታላቸው (መሀመድ ሰልማን) =============== =============== === ኢማም ሀጂ ዙልመካ ከማሰገጃ ቦታቸው ጫማ እስከመልበሻዉ የመስጊድ በረንዳ እስኪደርሱ ባሉ ጥቂት ሜትሮች ውስጥ የህዝብን ፍቅር እንዲህ ያጣጥሙት ነበር፡፡ . . ከሰጋጁ ያን ሁሉ ሺ ‹ዚያራ› እና በረከት የሚቀበሉትም ይህችኑ ርቀት በመራመድ ላይ ሳሉ ነበር፡፡ በዚህ ስሌት መሰረት ኢማሙ ከማሰገጃ መቅደሳቸው እስከ መውጫ እስኪደርሱ እጅግ ዝግ ብለው መራመድ ስለሚኖርባቸው በግምት 30 እና 40 ደቂቃ ይወስድባቸዋል፡፡ ፈጣሪም ይወዳቸዋል መሰለኝ እንደታፈሩ እና እንደተከበሩ ወደእርሱ ጠራቸው፡፡ አላህ ይርማቸው!(ነፍስ ይማር! እንደማለት) . . በእርግጥም ከእርሳቸው በኋላ የሚያስፈራራ እንጂ የሚፈራ ኢማም አልመጣም፡፡ ከዚያ በኋላ የመጡ አስተዳደራዊም ሆነ መንፈሳዊ መሪዎች በትርፍ ሰአታቸው ፑል የሚጫወቱ፣ ውል ውል መኪና የሚነዱ፣ ፈጣሪንና የፓርቲን ትእዛዛት የሚደባልቁ ሆነው ተገኙ፡፡ እነዚህንም ነፍስ ይማር እንላለን(ባይሞቱም)፡፡ . . ከፍተኛ የህዝብ ፍቅር የነበራቸው ሀጂ ዙልመካ ባለ መኪና እንኳ አልነበሩም፡ በዝግታ እየተራመዱ በእግራቸው ወደመኖሪያ ቤታቸው ያዘግማሉ፤ እግረ መንገዳቸውንም ሽንኩርትና ቲማቲም በስስ ፌስታል ገዝተው ይቋጥራሉ፡፡ ይህች ስስ ፌስታላቸው አትዘነጋኝም፡፡ አእምሮን ንፁህ አድርጎ ቀላል ህይወትን መምራት እንዴት እንደሚቻል የሚያስተምሩባት ምስጥር ትመስለኛለች፡፡ . . የእኚህን ኢማም የአእምሮ ሰላም በስስ ፌስታላቸው ውስጥ አየዋለሁ፡፡ የቱንም ያህል ሀብት በማግበስበስ ይህች ሰላም አትገኝም፡፡ ሀያ ምናምን ክፍሎች ባሉት ቪላ ውስጥ እየኖሩ ይህች ሰላም አትገኝም፡፡ ጃኩዚ ውስጥ በመነከር ይህች ሰላም አትገኝም፡፡ የአለምን ከንቱነት እየሰበኩኝ ጎማው ቢሸጥ አምስት መቶ ነዳያንን ማጉረስ የሚችል ዘመን አመጣሽ መኪና የሚዘውር ‹ኢማም›ን እንዴት እሰማዋለሁ? . . መንፈሳዊ አባት ህይወቱ ምሳሌ ካልሆነኝ ስብከቱ ጩኸት ነው-ለኔ፡፡ የቆርቆሮ ጩኸት፤ ያደነቁረኛል፡፡ ድምፁ ከመንፈሳዊ ህይወት የሚያስሸሸኝ የጦር መሳሪያ ነው ለኔ፤ ይረብሸኛል፡፡ የኢማም ሀጂ ዙልመካ ፌስታል ትርጉሟ የትየለሌ ነው፡፡ በድህነት ተቆራምዶ መኖርን ሳይሆን ቀላል ህይወትን ትወክላለች፡፡ ኢማሙን ስስ ፌስታል ያስያዛቸው የንዋይ እጥረት አልነበረም፤ ለዚህ አለም ብዙም ቁብ ካለመስጠት የመነጨ፤ ተምሳሌት ኾኖ ከመኖር የመነጨ እንጂ፡፡ ይህንን የምለው እንዲሁ አይደለም፡፡ እርሳቸው ቢፈቅዱ አንድ ‹‹ቢጠሩት የማይሰማ›› ተራ የመርካቶ ሀብታም ጥይት የማይበሳው መርሴዲስ በማግስቱ ሊያበረክትላቸው እንደሚችል ስለምረዳ ነው፡፡ እርሳቸው ግን ይህን አልመረጡም፡፡ . . ዛሬም ድረስ ትዝ የሚለኝ ሙስሊም አማኞች ኢማሙን መንገድ ላይ ሲያዩዋቸው እንዴት ከመኪናቸው ተስፈንጥረው በመውረድ መዳፋቸውን በአክብሮት ይስሙ እንደነበር ነው፡፡ ኢማም ሀጂ ዙልመካና ስስ ፌስታላቸው ሰው ለኑሮው ከሚያስፈልገው በላይ መንሰፍሰፍ እንደሌለበት ታስተምራለች፡፡ የፌስታሏ ስስነት ንፁህ አእምሮን ትወክላለች፤ ንፁህ አእምሮ ምቹ ትራስ ናት እንዲሉ፡፡ መንፈሳዊ እና ምድራዊ፣ ፖለቲካዊና ኢኮኖሚያዊ ሙስና ውስጥ ተጨመላልቆ መንፈሳዊ አባትነት አይገባኝም፡፡ ምንና ምን ተገናኝተው፡፡ . . . የህዝብ ፍቅር የፈጣሪን ፍቅር ወሳኝ ነው፤ ለኔ፡፡ ለአብነት ሀጂ ዙልመካን ብንወስድ የጁምአ እለት ሰላትን ከተጠናቀቀ በኋላ እንደ ማንኛውም ግለሰብ ብድግ ብለው ከመቅደሳቸው መውጣት አይችሉም፡፡ ምክንያቱም ከመስጊድ ውጪ እስከ ጣና ገበያ፣ ሀብተጊዮርጊስ ድልድይ እና ጎጃም በረንዳ ድረስ እንደ አሸዋ የተዘራው በመቶ ሺዎች የሚቆጠር ህዝበ ሙስሊም መፈናፈኛ አይሰጣቸውምና ነው፡፡ ብድግ ብለው ከወጡ እርሳቸውን ለመሳም በሚደረግ ተጋድሎ በእንደኔ አይነቱ ጥቃቅን ፍጥረት ላይ የመጨፍለቅ አደጋ ሊደርስ ይችላል፡፡ . . . . ህዝበ ሙስሊሙ ወደመጣበት ከተመለሰ በኋላ ነው ኢማሙ ከማሰገጃ መንበራቸው የሚንቀሳቀሰሱት፡፡ ይህ የህዝብ ፍቅር በምርጫ ካርድ እንኳ አይገኝም፡፡ ስስ ፌስታል አንጠልጥሎ የሚሄድ መንፈሳዊ አባት ናፈቀኝ! እኚህ ታላቅ መንፈሳዊ አባት ከብዙ አመታት በፊት በታላቁ አንዋር መስጊድ የሳሙኝ ግንባሬ ዛሬ በታላቁ ‹‹ላ ሞስክ ዴ ፓሪስ›› ይገኛል፡፡ ————— ————— ————— ————— ————— ————– መሀመድ ሰልማን ‹‹የፒያሳ ማህሙድ ጋ ጠብቂኝ›› መፅሀፍ ደራሲ ነው፡፡ ይህ ፅሁፍ እንቁ መፅሄት ‹‹አንድ የጁመአ ሶላት በፓሪስ›› በሚል ካሰፈረው የተወሰደ ነው፡፡

ኢትዮ ቴሌኮም ሙስሊም ሰራተኞችን አስተዳደሮችን የሚያሸማቅቅ ህገ ደንብ አወጣ።

Freedom4Ethiopian

የኢትዮ ቴሌኮም ስራተኞችና አስተዳደሮች ፂማቸውን እንዳያሳድጉ ተከለከለ!

እንደሚታወቀው የኢህአዴግ መንግስት ከወርሃ ሃምሌ 2003 ሃሮማያ ዩኒቨርስቲ ,ውስጥ ከነበረው አህባሽን በግዳጅ ከመጫን ሂደት ጀምሮ ህዝበ ሙስሊሙ በራሱ ተቋም ላይ የመረጣቸውን የመሳጅድ ኮሜቴዎችና ኢማሞችን በግዳጅ ከቦታቸው ላይ በማንሳት፣ የአህባሽን ሥልጠና አልወሰዳችሁም ተብለን ወደእስር ማጓዝ፣ ኢስላማዊ እውቀት መቅሰሚያዎች የሆኑትም መድረሳዎችንና የሂፍዝ ማዕከላትን መዝጋት፣ የዩኒቭርስቲ ተማሪ ወንድሞችን ፂማቹን ካልቆረጣችሁ፤ ሱሪያችሁን ካላሥረዘማችሁ አትማሩም በማለት ማሸማቀቅ እንዲሁም ሶላተችሁን አትስገዱ ማለት፣ሴት እህቶቻችን ኒቃብ ሂጃብ ጅልባብ እንዳይለብሱ መከልከል(የባህር ዳር ዩኒቭርስቲ ተማሪዎች ሶላትና ሂጃብ ተከልክለው በገፍ ማባረራቸው የቅርብ ጊዜ ትዝታችን ነው) ፣ ሙስሥሊም ባለሥልጣናትን ከቦታቸው ማንሳት ወይንም ተፅዕኖ በማይፈጥሩበት ቦታ ካለ ፍላጎታቸው ማስሥቀመጥ፣ በትልልቅ የመንግስት መስሪያ ቤቶች ተቀጥረው የሚሰሩ ,ሙሥሊም ወንድሞች ሱና እንዳይተገብሩ ማሸማቀቅና መከልከል፣ ሰላማዊ መብት ጠያቂዎችን በገፍ ማሰርና መግደል(የሃምሌ 11ዱ ጥቁር ሽብር የመንግሥትን አምባገነንነት በግልፅ ያየንበት ነው) እንዲሁም የመሳሰሉትን ይህ ነው የማይባል አስከፊ እኩይ ተግባራትን ካለአንዳች ርህራሄና እዝነት ከአንድ ሃገርን ይመራል ከሚባል መንግስት የማይጠበቅ የግፍ መዐት እንዳወረደብን ይታወቃል።

ይህ ኢሥላምንና ሙስሊሞችን የማክሰም ዘምቻ ካለፈው ወርሃ ሃምሌ 2003 ዐ.ል…

View original post 188 more words

ወያኔ በፀረ _ እስልምና አቋሙ
ፖለቲካዊ ሚናውን ማሳደግ
ይፈልጋል
ኢህአዴግ በአፍሪካ ቀንድና
በመካከለኛው ምስራቅ
እንዲኖረው
ለሚፈልገው ታላቅ ሚና
ሙስሊሙ ስጋት ይሆኑብኛል
ፍርሃት
ሊኖረው ይችላል።ኢትዬጵያ
በአፍሪካ ቀንድ ካሉት ሃገራት
በህዝብ ቁጥሯ ከፍተኛ የሆነችና
በአፍሪካም በሙስሊም
ህዝብ ብዛት ቁጥር ሁለተኛ
በመሆኗ ለቀጠናው ሰላምም ሆነ
ስጋት ቁልፍ ሚና የሚኖራት ሃገር
ናት።የቀድመው የአሜሪካ
አምባሳደር ” ዴቪድ ሺን
“በጠቆሙት መሰረት ኢትዬጵያ
እስልምናን ከሁለት ነጥቦች አንፃር
ልታጤነው ይገባል።ሃገሪቱ
በሙስሊም ሀገሮች / ህዝቦች
የተከበበች ክርስቲያኖች
የሚበዙባት ሃገር ናች።በታሪክም
በተለያዩ ወቅቶች
ከሲማሊያ፣ከሱዳንና ከግብፅ
የተከፈቱባት ጥቃቶች ምክንያት
ኢትዬጵያን ተጠራጣሪ
አድርጓታል።ኢትዬጵያ ለጊዜው
ከሱዳን
ጋር ጤናማ ግንኙነት ያላት
ብትሆንም ይህ ግን ሁሌ ላይሆን
የሚችልና ድጋሚ ሊቀየር
ይችላል።ኢትዬጵያ በሶማሊያ
የተረጋጋና በመልካም ጉርብትና
የሚኖር ብሄራዊ መንግስት
እንዲቋቋም እየሰራች ሲሆን
ይህም ለጊዜው እየሰራ
ቢመስልም ይህ ሁኔታ ያለምንም
ቅድመ ሁኔታ ሊቀየርም
ይችላል ።በመሆኑም በቀጠናው
ሊነሳ የሚችልን የእስልምና
ማቆጥቆጥ ለመግታት ኢትዬጵያ
የተሻለች አማራጭ ነች።
ይህ የራሱ የሆነ ጠቀሜታ
ያመጣል።ኢህአዴግ ደግሞ
ጠቀሜታውን ላለማጣት በህዝቡ
ህልውና ላይም ቢሆን
ሊፈርድ ይችላል።በፀረ _ አክራሪነት
ትግል ስም ማንኛውንም
አይነት እስላማዊ እንቅስቃሴ
በወረሪ ኃይል ላይ የዘመተ
ይመስል የመንግስትም ሆነ የግል
ተቋሞችን በመጠቀም
መደምሰስ ይከጅለዋል።ከዚህ
በተቃራኒ ሁለተኛው እርከን < > ብለው
የሚያንቆለጰጵሱትን አይነት <
> ( አህባሽ) በብዛት መፍጠር እና
ማስፋፋት ዋና ስራ
ያደርጋል።ይህን መሰሉን
የአሜሪካንን <
> ትእዛዝ በመተግበር በቀጠናው
ያለውን ፖለቲካዊ
ተደማጭነት ማስቀጠል
ይፈልጋል።
***************
********
የወያኔ አላማ ምንድነው?
1) መብቱን የማይጠይቅና ስሞታ
የማያቀርብ ሙስሊም
እዲኖር ማድረግ
2) በሁሉም መልኩ የተዳከመ
ሙስሊም መፍጠር
ይፈልጋል።በፖለቲካ፣በኢኮ ኖሚ፣
እና በሚዲያ እንቅስቃሴ
የሙስሊሙ አቅም እንዳይጠናከር
አጥብቆ ይሻል።
3) ከእስልምና እና ከሙስሊሙ
አለም የተነጠለ ሙስሊም
እንዲኖር ይሻል።
4) በፀረ_ እስልምና አቋሙ
ፖለቲካዊ ሚናውን ማሳደግ
ይፈልጋል።
5) ሙስሊሙ ከኢትዬጵያ ፖለቲካ
እንዲነጠል ይፈልጋል።
6) ገሃድ የወጣ ስርአተ አልበኝነትና
ፀረ_ ሙስሊም አቋም
ማስፋፋት ይፈልጋል።

All secret Android codes, tips and tricks for your Android mobile devices. Secret Codes Functions/ Description *#06# To check IMEI of your device *#0*# To enter service menu on the very new Android phones. *#0228# To check battery status. *#9090# / *#1111# To make device in Service mode. *#*#4636#*#* To get information about battery, usage statistics and device. *#*# 34971539#*#* To get all information about camera. *#12580*369# To get software and hardware info. *#228# For ADC Reading. #7353# To hide test menu 2/ Self Test Mode. *#*# 273283*255* 663282*# *#* For backup of our all media files. *#*# 232338#*#* It display the Wi-Fi mac address. *# 7465625# To view status of lock-phone. *#*# 3264#*#* To show RAM version. *#*#232337#*# To see or display device’s Bluetooth address. *#*# 197328640#* #* It enables test mode for service. *#*#8351#*#* To enable voice dial mode. *#*#8350#*#* To disable the voice dial mode. *#*#0842#*#* To test Back- light/ vibration. *#*#2664#*#* To test the touch-screen. *#*# 0289#*#* For Audio test. *#*#0*#*#* For LCD display test. *#*#0283# *#* To perform a packet loop-back test. *#*# 1575#*#* For advanced GPS test. *#*#1472365# *#* To Perform a quick GPS test. *#*#0588#*#* To perform a proximity sensor test. *#*# 7262626#*#* To perform field test. *#*# 232339#*#* Testing Wireless LAN. *#9090# To Diagnose configuration of device. *#872564# To control U-S-B logging. *# 9900# System dump mode. *#*#7780#*#* Reset to factory state. *2767*3855# To format Android device. *#*# 4986*265046 8#*#* To get pda, phone, H/W and RF Call Date. *#*#1234# *#* To know about pda and firmware version. *# *#1111#*#* For FTA Software version. *#*# 2222#*#* For FTA Hardware version. *#*# 7594#*#* To change power button behaviour once code enabled. *#*# 8255#*#* To launch Google Talk service monitor

በ2007 በየቦታው የ ኳስ ደጋፊዎች፥ የክፍል ጓደኛሞች ፥የዳዕዋ ና ጽዋ ማሀበራት ስም ወዘተ ወያኔን ለማስወገድ በምስጢር እንደራጅ

Abraham's view

የአርሰናል….፣ የቡና…. የመድረሳዎችና የማርያም የጽዋ የአብሮ አደጎች በጋራ 2007

በ 2007 በየሰፈሩ ያሉ የአርሰናል፣ የቼልሲ፣ የማንቼ፣ የቡና፣ የጊዮርጊስ፣ … የኳስ ቡድን ደጋፊዎች፤ የገብርኤል፣ የሚካኤል፣ የማርያም የጽዋ ማኅበራት፤ መድረሳዎችና ዲኖች፤ “የካዛንቺስ ልጆች”፣ “የቦሌ ቴክሶች” “የ4 ኪሎ አራዶች”፣ የአብሮ አደጎች፣ የክፍል ጓደኞች … እድሮችና ተርቲቦች፣ “ተገናኝተኝ እናውጋ“ ማኅበራት፣ “በጋራ እናጥና”፣ “በጋራ እንፀልይ”፣ “በጀማ እንስገድ” … እነዚህና እነዚህ የመሳሰሉት ስብሰቦች ሁሉ ስለ ኢትዮጵያዊያን መብቶች መከበር፣ ስለነፃነት፣ ስለ እኩልነትና ፍትህ የምንወያይባቸው፤ ህወሓትን እንዴት መጣል እንደሚቻል የምንመክርባቸው እና የመከንርባቸው የትግል ስልቶች ተግባራዊ የምናደርግባቸው ትናንንሽ ድርጅቶቻችን ይሆናሉ።

በ2007 አጋማሽ ማኅበራት ሁሉ ግንቦት 7፤ ቅንና አስተዋይ ዜጎች ሁሉ የግንቦት 7 አባላት ይሆናሉ። በ 2007 በወያኔ ካድሬዎች “አሸባሪ” መባል የመልካም ስነምግባር ማረጋገጫ ተደርጎ ይወሰዳል። 2007 መገባደጃ ከወያኔ ነፃ የሆነች ውብ ኢትዮጵያን የመፍጠር እድላችን ፈክቶ የሚታይበት ለዚህም ዝግጅት የምናደርግበት ይሆናል።

2007 ወሳኝና በአጓጊ ኩነቶች የደመቀ የትግል ዓመት እንዲሆን እመኛለሁ።

መልካም አዲስ ዓመት!!!

http://www.ginbot7.org/2014/09/04/

10450968_857612180923249_4535162294841685759_n

View original post

ህዝባዊ እንቢተኝነት ለነፃነት እና ለፍትህ !

Freedom4Ethiopian

በአገራችን የፖሊቲካ ሥርዓት ሄደት ውስጥ ስልጣን በሰላማዊ መንገድ ከአንዱ ወደሌላው የተሸጋገረበት አጋጣሚ እጅግ በጣም አናሳነው፡፡ አብዛኛው የስልጣን ሽግግር ጉልበትና ብረትን መሰረት ያደረገ ነው፡፡ እንዲህ ዓይነቱ የስልጣን ሽግግር ጉልበተኞች ሁሌም አሸናፊ የሚሆኑበት ጉልበቱ አናሳ የሆነ ከስልጣን የሚርቅበት ዓይነተኛ መንገድ ነው፡፡ይህም በመሆኑ በህዝብ ፍቃድ እና ምርጫ ወይም በህዝባዊ እንቢተኝነት የመንግስት የአስተዳደር የስርዓት ለውጥ ወይም ጥገናዊ ማስተካከያ ለውጥ ከዚህ ቀደም እንዲሁም ባሁን ወቅት በአገራችን ስለ መደረጉ ምስክርነት ለመስጠት የሚያስችል አጋጣሚ ስለመኖሩ ያጠራጥራል፡፡ ለዚህም ነው ሰላማዊ ትግል በአገራችን ተስፋ አስቆራጭ እና የማይሞከር መስሎ የሚታየው፡፡
እርግጥነው በሰላማዊ ትግል ሂደት ውስጥ ውጣ ውረዶ የበዛ ነው፡፡ በዓለማችን ላይ የተካሄዱት ሠላማዊ ትግሎች ውጤት ያስመዘገብት መተኪያ የሌለውን የሰውልጅ ሕይወትን እስከመንጠቅ በመድረሰ ነው፡፡ ይበልጥ ደግሞ ትግሉ አስቸጋሪ የሚያስመስለው ውጤቱ የሚፈጀው ጊዜ ነው፡፡ ሠላማዊ ትግል ማለት ታጋዩ የሚታገልለትን ውጤት ሣይመለከት በትግሉ ሂደት የሚሰዋበት ነገር ነው እስከመባል ይደርሳል፡፡ እንዲህ ዓይነቱ ደረጃ ለመድረስ ከሌላ ጋር ሣይሆን ከእራስ አስተሳሰብ ጋር ይህ ቀረሽ የማይባል ትግልን ማካሄድ ይጠይቃል፡፡ ይሁን እንጂ እንዲህ-አይነቱ የአስተሳሰብ ልዕልና ለመድረስ ገፊ…

View original post 739 more words